• ទទួលបានវិញ្ញាបនបត្រ ពានរង្វាន់ ទង់ឆ្នេរស្អាត និងអេកូឡាបិល ដែលជាការទទួលស្គាល់ផ្លូវការ ហើយអាចប្រើប្រាស់ជាយុទ្ធសាស្រ្តផ្សព្វផ្សាយទីផ្សារក្នុងការទាក់ទាញអតិថិជន ដោយឆ្លុះបញ្ចាំងពីទំនូលខុសត្រូវសង្គម និងបរិស្ថាន (CSR) របស់ប្រតិបត្តិករទេសចរណ៍នៅតំបន់ឆ្នេរ
• ជួយលើស្ទួយមុខមាត់ និងកេរ្តិ៍ឈ្មោះឆ្នេរដែលរូមចំណែកក្នុងសកម្មភាពទំនួលខុសត្រូវផ្នែកសេដ្ឋកិច្ច បរិស្ថាន សង្គម និងវប្បធម៌
• ចូលរួមដល់ការការពារ និងថែរក្សាបរិស្ថានតំបន់ឆ្នេរសមុទ្រកម្ពុជា
• ជូយឆ្នេរក្នុងការកាត់បន្ថយចំណាយប្រតិបត្តិការតាមរយៈការប្រើប្រាស់ធនធានប្រកបដោយប្រសិទ្ធភាព ។

អេកូឡាបិលឆ្នេរ គឺជាយន្តការថ្មីមួយដ៏មានប្រសិទ្ធភាពចូលរួមអភិវឌ្ឍឆ្នេរសមុទ្រកម្ពុជា ប្រកបដោយនិរន្តរភាព និងការទទួលខុសត្រូវ ។ ឆ្នេរសមុទ្រទាំងអស់ត្រូវចូលរួមការប្រឡងប្រណាំងហើយត្រូវបំពេញឲ្យគ្រប់ពិន្ទុនៃលក្ខណវិនិច្ឆ័យនីមួយៗ ដែលបានចែងក្នុងសូចនាករលំអិត ដើម្បីដណ្តើម បានជ័យលាភីអេកូឡាបិលឆ្នេរ ។ ស្របតាមបរិបទរបស់កម្ពុជាដែលជាប្រទេសកំពុងអភិវឌ្ឍន៍ ឡាបិលនេះមានលក្ខណៈសាមញ្ញក្នុងការអនុវត្ត ពោលគឺមិនមានភាពតឹងរឹងដូចនៅ បណ្តាប្រទេសជឿនលឿនដទៃនោះទេ។ យន្តការនៃការវាយតម្លៃគឺគណៈកម្មាធិការជាតិវាយតម្លៃទីក្រុងស្អាត (គ.ជ.វ.ទ) នឹងវាយតម្លៃអំពីភាពត្រឹមត្រូវនៃការអនុវត្តតាមលក្ខណវិនិច្ឆ័យ និងស្ថានភាពជាក់ស្តែងរបស់ឆ្នេរបេក្ខភាពនីមួយៗ ។